"Ливерпуль" футболчиси Дивок Ориги ўз келажаги ҳақида ой охиригача қарор қилиши керак. 26 ёшли ҳужумчи учун Англия Премер-лигасининг учта клуби кураш олиб бормоқда.
Британиянинг The Daily Telegraph нашри хабарига кўра, "Кристал Пэлас", "Вулверхэмптон" ва "Вест Хэм" клуби бельгиялик футболчини сотиб олмоқчи. "Ливерпуль" бош мураббийи Юрген Клопп Ориги билан хайрлашишни истамаяпти, уни жамоага керакли ротацион ўйинчи деб билади, лекин футболчининг ўзи кўпроқ ўйин амалиётига эга бўлишни ният қилган.
Бироқ, ҳужумчининг "Ливерпуль"даги сўнги мавсумдаги статистикаси унчалик яхши эмас. АПЛнинг сўнгги мавсумида Ориги атиги тўққиз марта майдонга тушди. Маълум бўлишича, бельгиялик учун мерсисайдликлар камида 17 миллион евро олмоқчи.
