"Атлетико"нинг испаниялик футболчиси Сауль Ньигез фаолиятини бошқа жамоада давом эттириши мумкин. Маълум бўлишича, испаниялик фаолиятини
қаерда давом эттириши аниқ.
Британиянинг Metro нашри берган маълумотга кўра, "Атлетико" раҳбарияти Лондоннинг "Челси" клубига Саулнинг хизматларини таклиф қилган. Англия клуби бу ўринга "Вест Хэм" футболчиси Деклан Райсни сотиб олмоқчилигига қарамай, "аристократлар" 26 ёшли футболчининг номзодига қизиқиш билдиришди. Хабар қилинишича, бош мураббий Томас Тухелга Саулнинг ўйин услуби ёқади.
Шунингдек, турли оммавий ахборот воситалари футболчининг вакиллари "Манчестер Юнайтед" ва "Ливерпуль" билан музокараларнинг бир неча босқичини ўтказгани ҳақида ёзишмоқда.
Эслатиб ўтамиз, олдинроқ "матрасчилар" устози Диего Симеоне ярим ҳимоячининг кетишини тасдиқлаганди.
