"Арсенал" ҳимоячиси Томас Вермаленнинг таъкидлашича лондонликлар Чемпионлар Лигаси 1/8 финалида «Милан»дан учраган 4:0 ҳисобидаги мағлубиятлари учун жавоб ўйинида реванш олишга ҳаракат қилишади.
"Бу биз учун жуда ёмон ўйин бўлди. Ҳозир биз ўйлашимиз лозим бўлган ягона нарса — Лондонда жавоб учрашуви борлигидир. Жавоб ўйинида биз бор имкониятларимизни ишга солишимиз лозим бўлади. Бизни қўллаб-қуввтлаш учун Миланга келган муҳлислар учун ҳам ўйинда ғалаба қозонишимиз шарт. Бу — улар учун қилиб беришимиз мумкин бўлган ягона нарса".
"Профессионал футболчи, бўлиб ўтган ҳар қандай ёмон натижани унутмоғи керак. Содир бўлган воқеликдан тўғри хулосалар чиқариш ва рухий тетикликни сақлаш, келгуси ўйинларга эътиборни қаратиш талаб этилади", — дея Вермалин сўзларидан УЕФА расмий сайти иқтибос келтирмоқда.
