"Тоттенхем" клуби Франция чемпионати вакили "Мец" футболчиси Папе Матар Сарр трансферини амалга оширишга яқин турибди. "90Мin" нашри берган хабарга асосан, Лондон клуби 18 ёшли футболчи билан оғзаки келишувга эришган.
Сенегаллик ҳужумчи "шпорлар" сафига атиги 15 миллион евро ёки 12,8 миллион фунт эвазига ўтиши мумкин. Сарр ўтган йили илк марта Франсия 1 дивизионида дебют қилганидан буён 25 та учрашувда майдонга тушиб, жамоасини мавсумни турнир жадвали марказида якунлашига катта ёрдам берган.
Футболчи учун "Челси" ҳамда "Ман Сити" ҳам қизиқиш билдираётган эди.
