«Реал» собиқ ҳимоячиси Серхио Рамос жамоа бош мураббийи Карло Анчелоттининг футболчига жамоада қолишига ёрдам беришидан умид қилган эди. Бу ҳақда испан ОАВ хабар бермоқда.
Рамос дастлаб «Реал»дан кетишни хоҳламаганди. Ўз навбатида Анчелотти ҳам «қироллик клуби» раҳбариятига бу борада босим ўтказган ва Рамосни жамоада олиб қолиш кераклигини талаб қилди.
Бироқ буларнинг ҳеч бири якунда иш бермади, Перес ўз билганидан қолмади.
Эслатиб ўтамиз, якунда Серхио Рамос «Реал»ни эркин агент сифатида тарк этди. Испан ҳимоячиси «ПСЖ» билан шартнома имзолади.
