Шу ҳафта охирида «Ювентус» А Серия очилиш учрашувини сафарда «Удинезе»га қарши ўтказади.
Учрашув арафасида жамоа мураббийи Массимилиано Аллегри жамоанинг умумий ҳолати ҳақида маълумот бериб ўтди.
Бош мураббий футболчиларининг охирги йиғинни яхши ўтказганликлари ва янги мавсумга тайёр эканлигини таъкидлади.
Италиялик мутахассис Криштиану Роналдунинг ҳолатига ҳам тўхталди. Унинг айтишича, португалиялик фақат мураббийлар штаби унга дам беришни зарур деб билгани учун ўртоқлик ўйинида қатнашмаган.
Аллегрининг айтишича, шахсий суҳбат чоғида Криштиану унга мавсум охиригача «Ювентус»да қолишга ваъда берган.
