"Тоттенхэм" ҳужумчиси Харри Кейн жорий мавсумда биринчи марта футболчилар рўйхатига киритилди. Форвард машғулотларга бошқаларга қараганда кечроқ қўшилди ва лондонликларнинг дастлабки учрашувларини ўтказиб юборди.
Аммо, якшанба куни, инглиз футболчиси Премьер-лиганинг янги мавсумида биринчи марта "шпорлар" либосида майдонга тушиши мумкин бўлади. Бу маълумотни The Sun маҳаллий нашри тарқатди ва футболчи "Вулверхэмптон"га қарши ўйинни захирада бошлашини қўшимча қилди.
Олдинроқ, футболчи Конференциялар лигасидаги "Пасуш"га қарши ўйин учун дастлабки рўйхатга киритилган эди, лекин у жамоадошлари билан бирга Португалияга учмаган.
Эслатиб ўтамиз, Кейн "Тоттенхэм" раҳбариятидан уни "Манчестер Сити"га қўйиб юборишни талаб қилмоқда.
