Россия чемпионатининг 5-тури доирасида "Уфа" ўз майдонида амалдаги чемпион "Зенит"ни қабул қилиб, дурангга имзо чекди.

Меҳмонларнинг баҳснинг 10-дақиқасида Малкомнинг голи эвазига ҳисобни очишди. Ўйин тугашига 16 дақиқа қолганида эса майдон эгалари ҳисобни тенглаштиришди. Гол муаллифи — Агаларов.

Айнан ҳисоб тенглашганидан кейин Остон Ўрунов захирадан майдонга туширилди. У жамоасига дурангни сақлаб қолишда ёрдам берди.

Бугун бир очко туфайли "Уфа" ўз очколарини 5тага етказиб, жадвалда 11-ўринга кўтарилиб олди.

Россия чемпионати, 5-тур
Уфа – Зенит 1:1 (0:1, 1:0)
Голлар: 0:1 – 10 Малком, 1:1 – 73 Агаларов.
Уфа – Беленов, Йокич, Журавлев, Плиев, Алиев (Бауэр, 62), Мрзляк (Никитин, 86), Камилов (Урунов, 73), Фищенко, Касинтура (Голубев, 86), Жамалетдинов (Кротов, 62), Агаларов.
Зенит – Кержаков, Караваев (Сутормин, 71), Ловрен, Ракицкий, Дуглас Сантос, Барриос, Вендел, Ерохин (Мостовой, 76), Дзюба (Азмун, 71), Малком, Клаудиньо.
Огоҳлантиришлар: Касинтура (29), Фищенко (63), Плиев (81), Журавлев (90).