Мартин Эдегор «Реал Мадрид»да қолишни истаган. «Marca» нашри хабар беришича, норвегиялик футболчи ижарадан қайтгач, Мадридда ўйнашни хоҳлашини айтган, бироқ Анчелотти унга асосий таркибдан доимий жой бера олмаслигини билдирган.
22 ёшли футболчига таркибда у билан яна 7 та ўриндош рақобатлашиши, шу сабаб ўзини бошқа жамоада синаб кўриши маслаҳат берилган. Шундан сўнг, плеймейкер жума куни «Арсенал» билан 2025 йилгача мўлжалланган шартнома имзолади.
Эдегор 2015 йилда «Реал» сафига келиб қўшилган бўлиб, у шу пайтгача 11 марта асосий таркибда майдонга туширилган, холос. У «Арсенал» сафида 20 марта майдонга тушиб, 2 марта гол ва 2 марта ассист ижро этган.
