«МЮ» футболчиси Даниел Жеймс клубда қолишни режалаштираётганини маълум қилди. Сўнгги пайтлар тарқалаётган хабарларда Жеймснинг «қизил иблислар» сафидан кетиши мумкинлиги ҳақида гапирилаётган эди.
«Athletic» нашрининг хабарига асосан, футболчи Сулшернинг асосий таркиби учун курашиши ва бошқа клубга кетиш режаси йўқлиги айтилган. 23 ёшли уэлслик ҳужумкор футболчи икки йилдан буён қизиллар шарафини ҳимоя қилиб келади.
У «Свонси» клубидан трансфер қилинган эди. Жеймсга «Лидс Юнайтед» ҳамда «Лестер Сити» клублари қизиқиш билдираётгани айтилган.
