«Челси» клуби собиқ футболчиси Ромелу Лукакуни «Интер»дан 97,5 миллион фунтга харид қилди. Бу трансфер Кепа Арризабалага харидидан ҳам баландроқ бўлди ва клуб тарихидаги энг қимматига айланди.
Шунингдек, клуб бу ёзда футболчиларини сотиш билан ҳам анчагина маблағ тўплади. Хусусан, Темми Абрахам, Фикаё Томори ҳамда Марк Гуэйилар умумий 77 миллион фунтга сотилди.
Қолаверса, қолган ёш футболчилар ижараси ва харидидан ҳам пул ишланди. Шу билан клубнинг ёздаги сотувлардан умумий тўплаган маблағи 98,8 миллионни ташкил этди.