"Барселона" ҳимоячи Самуэль Умтити билан хайрлашишга тайё, деб хабар
беради Diario Sport нашри. Манбага кўра, каталонияликлар французни бошқа клубга текинга қўйиб юборишга тайёр.
Маълум бўлишича, "Ницца" ва "Марсел" футболчига даъвогарлик қилмоқда, аммо Умтитининг ўзи Чемпионлар лигасида ўйнайдиган клубга қўшилмоқчи. Каталонияликлар маошни камайтириш мақсадида ҳимоячини текинга қўйиб юборишга тайёр.
Эслатиб ўтамиз, Умтити 2016 йилда "Лион"дан "Барселона" га 25 миллион еврога кўчиб ўтган эди. Каталония клуби таркибида у барча турнирларда 132 та ўйинда майдонга тушиб, иккита гол урди ва битта голли узатмани амалга оширди. Унинг шартномаси 2023 йил июнигача амал қилади.
