Криштиану Роналдунинг келажаги ҳали ҳам сўроқ остида турибди.

Португалиялик ўз Инстаграмида «Ювентус»дан кетиши мумкинлиги ҳақидаги миш-мишларни рад этган бўлса да, яқинда ҳужумчининг янги клуб қидираётгани ҳақида маълумотлар пайдо бўлганди.

«Бавария» собиқ бош директори Карл-Хайнц Румменниге ҳам ушбу миш-мишларга ўз муносабатини билдирди.

Унинг фикрича, ҳозирча ҳеч ким Криштианунинг маошини кўтаришга тайёр эмас. «У 70 миллион евро олади, шундан атиги 35 миллиони очиқланган холос. Кекса футболчи учун бундай харажатларни ким тўлай олади?

Шунингдек, собиқ футбол мутахассисининг қўшимча қилишича, энди клубларнинг харажатлари борган сари ўсиб бормоқда, чунки улар молиявий фейр-плей қоидаларидаги бўшлиқларни осонликча ёпиб кетмоқдалар.

Немиснинг фикрича, УЕФА бунга алоҳида эътибор қаратиш керак.