«Челси» клуби трансферлар ойнаси ёпилишидан олдин «Атлетико» футболчиси Саул Нигезни ижара асосида ўз сафига жалб қилмоқчи. «Telegraph» нашрининг хабарига кўра, клуб яримҳимоячи учун жиддий ҳаракат қилиши айтилмоқда.
Мадрид томони футболчиси учун яхши таклиф кутмоқда. Шунингдек, «аристократлар» Адреас Кристенсен ва Антонио Рудигер учун янги шартномалар таклиф қилади. Ушбу икки ҳимоячининг битими яна 1 йиллик муддатга эга.
Улар АПЛнинг дастлабки икки ўйинида майдонга туширилган ва асосий таркиб футболчилари ҳисобланади. Аввалроқ «Челси» Курт Зумадан воз кечиб, Кунде трансферини амалга оширмоқчи экани хабар қилинган эди.
