«Chelsi» klubi transferlar oynasi yopilishidan oldin «Atletiko» futbolchisi Saul Nigezni ijara  asosida o‘z safiga jalb qilmoqchi. «Telegraph» nashrining xabariga ko‘ra, klub yarimhimoyachi uchun jiddiy harakat qilishi aytilmoqda.

Madrid tomoni futbolchisi uchun yaxshi taklif kutmoqda. Shuningdek, «aristokratlar» Adreas Kristensen va Antonio Rudiger uchun yangi shartnomalar taklif qiladi. Ushbu ikki himoyachining bitimi yana 1 yillik muddatga ega.

Ular APLning dastlabki ikki o‘yinida maydonga tushirilgan va asosiy tarkib futbolchilari hisoblanadi. Avvalroq «Chelsi» Kurt Zumadan voz kechib, Kunde transferini amalga oshirmoqchi ekani xabar qilingan edi.