Goal.com сайтида 23 ёшли яримҳимоячи Федерико Вальверде «Реал» билан шартномасини узайтиргани ҳақида маълумот берилмоқда.
Манбага кўра, гап 2027 йил июнь ойининг охиригача тузиладиган шартнома ҳақида кетмоқда. Келишувда футболчини 1 миллиард еврога сотиб олиш банди кўрсатилган.
Федерико Вальверде 2016 йилнинг ёзида «Пеньяроля»дан «Реал Мадрид» ёшлар жамоасига қўшилган эди.
«Қаймоқранглилар» биринчи жамоаси учун Вальверде барча мусобақалар доирасида 104 та ўйин ўтказди. Уларда ярим ҳимоячи 5 та гол ва 6 та голли узатма муаллифига айланган.
Яқин орада «Реал» Федерико Вальверде билан шартномани узайтириши ҳақида расман эълон қилади.
