ЦСКА яримҳимоячиси Никола Влашич фаолиятини «Вест Хэм» да давом эттириши мумкин, деб хабар беради италиялик журналист Даниэле Лонго.
Манбага кўра, Лондон клуби хорват учун зарур бўлган 30 миллион еврони тўлашга тайёр.
Маълум қилинишича, бугун агент билан учрашув бўлиб ўтади ва мумкин бўлган битим тафсилотлари муҳокама қилинади. Аввалроқ, Влашичнинг ўзи «Милан»га кетмоқчи бўлгани ҳақида хабар берилганди, бироқ Италия клуби «армиячилар» раҳбарияти билан келиша олмади.
Эслатиб ўтамиз, Влашич 2019 йилда ЦСКАга «Эвертон» дан тахминан 16 миллион еврога ўтган эди. Бу мавсумда у тўртта ўйинда майдонга тушиб, битта голли узатмани амалга оширди.
