Coca Cola Суперлигаси 16-тур доирасидан ўрин олган “Қўқон-1912” - “Сурхон” - учрашуви Қўқон шаҳрида бўлиб ўтади. Мазкур баҳс олдидан ушбу жамоаларнинг ўзаро ўйинлардаги статистик маълумотлари билан таништириб ўтамиз.

Ўзаро ўйинлар
Бу жамоалар шу пайтга қадар чемпионат доирасида 21 марта тўқнаш келишган.

“Сурхон” ўйинларнинг 9 тасида зафар қучган, 10 та баҳсда вакилларимиз қўли баланд келган. Иккита учрашувда дуранг натижа қайд этилган.

Тўплар нисбати – 34-33, жамоамиз фойдасига.  Ўзаро ўйинларда “Сурхон” 29 очкони қўлга киритган. “Қўқон-1912” очкоси 32 тани ташкил этади.

Жамоаларнинг ўзаро ўтказган барча учрашувлари:
20.03.2021. Сурхон – Қўқон-1912 – 1:1
19.10.2020. Сурхон – Қўқон-1912 – 0:1
25.06.2020. Қўқон-1912 – Сурхон – 3:0
17.08.2019. Қўқон-1912 – Сурхон – 2:1
25.05.2019. Сурхон – Қўқон-1912 – 2:1
27.10.2003  Қўқон 1912  - Сурхон - 4:1
23.03.2003  Сурхон - Қўқон 1912  - 2:1
11.08.2002  Сурхон  - Қўқон 1912  - 3:1
 22.06.2002  Қўқон 1912  - Сурхон - 3:1
 27.09.2000  Темирйўлчи - Сурхон   - 2:3
 22.04.2000   Сурхон   - Темирйўлчи - 1:0
 21.08.1999   Темирйўлчи – Сурхон - 0:5
 01.06.1999   Сурхон  - Темирйўлчи - 2:3
 19.08.1998   Темирйўлчи – Сурхон - 3:2
 13.06.1998   Сурхон – Темирйўлчи - 0:2
 05.08.1995  АСК – Темирйўлчи - 3:1
 25.06.1995  Темирйўлчи – АСК - 0:2
 06.11.1994  АСК – Темирйўлчи - 3:1
 24.04.1994  Темирйўлчи – АСК - 2:0
 03.10.1992  Сурхон - Темирйўлчи   - 1:1
 07.05.1992  Темирйўлчи - Сурхон   - 2:0

Факт: Ушбу жамоаларнинг 1992 йили Термизда бўлиб ўтган учрашувида дуранг натижа қайд этилган.

Ҳакамлар
ЎзПФЛ суперлига 16 - тур учрашувларида ишлайдиган расмийлар рўйхатини эълон қилди. Унга кўра Қўқондаги "Марказий" стадионида бўлиб ўтадиган "Қўқон-1912" - "Сурхон" учрашувини Шавкат Насибуллаев бошқариб боради. Бу ўйинда ҳакамлар  VAR тизимидан ҳам фойдаланишади. Насибуллаев бу мавсумнинг 4-туридан ўрин олган "Қўқон-1912" - "Бунёдкор" учрашувини бошқариб борган эди. Ўша учрашувда 0-0 ҳисоби қайд этилган.

Coca-Cola Суперлига
16-тур
25 август, чоршанба
ҚЎҚОН-1912 – СУРХОН
Ҳакамлар: Шавкат Насибуллаев, Зуфар Элибоев, Фарҳод Усмонов, Алишер Тўхтасинов
Назоратчи: Игорь Нехочин
VAR ҳаками: Рустам Лутфуллин
VAR ассистент: Алишер Усмонов
VAR назоратчиси: Валентин Коваленко
Комиссар: Сардор Қудратуллаев

Бошланиш вақтлари
Coca Cola суперлигасининг навбатдаги тур учрашувини "Қўқон-1912" жамоаси ўз майдонида ўтказади. "Шунқорлар" Термизнинг "Сурхон" жамоасини қабул қилади. Бу ўйин бугун, 25 август, чоршанба куни соат 17:00да, Қўқондаги "Марказий" стадионида бошланади.

Юртимиздаги эпидемиологик вазият туфайли футбол учрашувлари мухлисларсиз ўтказилади!