"Арсенал" трансфер ойнаси тугагунга қадар олти футболчи билан хайрлашмоқчи, деб хабар беради Express Sport нашри. Рўйхатга Эйнсли Мейтленд-Найлз, Эктор Бельерин, Сеад Колашинац, Рейсс Нельсон, Лукас Торрейра ва Эдди Нкетиа киради.
Виллиан ҳам жамоани тарк этади ва "Коринтианс" клуби билан шартнома имзолаш учун Бразилияга қайтишга яқин турибди. Лукас Торрейра яқин вақт ичида ижара асосида "Фиорентина"га ўтиши керак. Бошқа футболчилар учун ҳозирча таклиф йўқ.
Эслатиб ўтамиз, ёзда "Арсенал" га Мартин Эдегор, Аарон Рамсдейл, Нуну Тавареш, Бен Уайт ва Альберт-Мбойо Локонга қўшилди. Жо Уиллок эса 30 миллион евро эвазига "Ньюкасл"га ўтган.
