Римнинг «Лацио» клуби «Айнтрахт» хавбеки Филипп Костични сотиб олишни жиддий мақсад қилмоқда.

Томонлар ҳозирда фаол музокаралар олиб бормоқда, - дейди инсайдер Николо Скира ўз твиттер саҳифасида.

Немис клуби 28 ёшли сербни сотишдан 20 миллион евро олишни режалаштирмоқда. Кутилишича, римликлар аввал футболчини ижарага олади, кейин эса уни шу нархга сотиб олиши мумкин.

Костич аллақачон Римга кўчиб ўтишга рози бўлган. У «бургутлар» билан шартнома тузган.

Аввалроқ Филиппга «Рома» бош мураббийи Жозе Моуриньо ҳам қизиқиш билдираётгани ҳақида хабар берилганди.