«Арсенал» бош мураббийи Арсен Венгер ёзги трансфер мавсумида жамонинг бир қатор футболчилари билан ҳайрлашишга тайёр, дея хабар бермоқда The Telegraph.
Франциялик мутахассис Чемпионлар лигасининг 1/8 финалида «Милан»дан қабул қилиб олинган мағлубиятдан шу қадар жахли чиққанки, ўйиндан сўнг футболчиларнинг кийим алмаштириш хонасига кириб, жуда баланд оҳангда ўз шогирдларига норозилигини билдирган. Футболчиларга улар намойиш этган футбол савияси уни мутлақо қониқтирмаганини айтган.
Манбада айтилишича ёзда «Арсенал»да «тозалаш» ишлари олиб борилади. Жамоани тарк этиши мумкин бўлган футболчилар қаторига Маруан Шамах, Себастьян Скиллачи, Никлас Бендтнер, Карлос Вела, Мануэль Альмуния, Денилсон кабиларни киритишяпти. Шунингдек, ушбу мавсум интиҳосида шартнома муддати ниҳоясига етадиган Андрей Аршавин ва Томаш Росицкиларнинг ҳам жамоада қолмаслик эҳтимоллари юқори.
