"ПСЖ" ҳужумчиси Килиан Мбаппенинг отаси Вилфрид Мбаппе Париж клуби билан шартномани узайтириш тарафдори эди.
El Confidencial нашри хабарига кўра, ота ўз ўғлига "ПСЖ" таклифини қабул қилишни ва мавсум учун 36 миллион евро маош билан уч йиллик шартнома тузишни маслаҳат берган.
Бироқ, футболчининг адвокати Дельфин Верхейден Мбаппега "Реал"га ўтишни маслаҳат беради.
У французга футбол тарихини ёзиш ва ўз меросини қолдириш истагини эслатди. Унинг сўзларига кўра, Килиан "Реал"да реклама шартномалари орқали кўпроқ даромад олади.
Аввалроқ, "ПСЖ" "Реал"нинг 160 миллионлик таклифини рад этган эди. Мадридликлар ҳали ҳеч қандай янги шартнома таклиф қилмаган.
Мбаппе келаси ёз эркин агентга айланиши мумкин.
Янги мавсумда француз 3 ўйинда 1 гол урди ва 2 голга узатма берди.
