Лондоннинг "Челси" клуби футболчиси Тимо Вернер "Атлетико Мадрид"га ўтиш таклифини рад этди. Лондон клуби немис футболчисини Саул Ньигес келишувига қўшмоқчи эди.
Энди, афтидан, "аристократлар" испаниялик ярим ҳимоячининг трансфери учун битимда кўрсатилган суммани тўлаши керак бўлади, деб ёзади Британиянинг Daily Express нашри. Маълум бўлишича, жамоада энг кўп маош оладиган Вернер бошланғич таркибдан жой олиш учун рақобатчилар билан беллашмоқчи.
Эътибор беринг, Тимо аввалроқ "Интер"га кетишдан бош тортган эди.
Эслатиб ўтамиз, ҳужумчи ўтган мавсумда "Челси" сафида АПЛда 35 ўйинда майдонга тушиб, олтита гол урди.
