"Сассуоло" ярим ҳимоячиси Доменико Берарди ёзги трансфер ойнаси ёпилгунга қадар клубини ўзгартирмоқчи.
La Gazzetta dello Sport нашри хабарига кўра, 27 ёшли италиялик вингер "Аталанта"га ўтишга умид қилмоқда. Маълум бўлишича, бергамоликлар ҳам бу футболчига катта қизиқиш билдирмоқда. Шунингдек, Берарди "Аталанта"нинг Чемпионлар Лигаси гуруҳ босқичида ўйнаши ҳам эътиборини тортган.
Домениконинг амалдаги шартномаси 2024 йилда тугайди ва унинг трансфери 35 миллион еврога баҳоланмоқда.
Эслатиб ўтамиз, Берарди А Серияда 238 та ўйин ўтказиб, 86 та гол ва
56 та голли узатмани амалга оширган.
