"Sassuolo" yarim himoyachisi Domeniko Berardi yozgi transfer oynasi yopilgunga qadar klubini o‘zgartirmoqchi.
La Gazzetta dello Sport nashri xabariga ko‘ra, 27 yoshli italiyalik vinger "Atalanta"ga o‘tishga umid qilmoqda. Ma’lum bo‘lishicha, bergamoliklar ham bu futbolchiga katta qiziqish bildirmoqda. Shuningdek, Berardi "Atalanta"ning Chempionlar Ligasi guruh bosqichida o‘ynashi ham e’tiborini tortgan.
Domenikoning amaldagi shartnomasi 2024 yilda tugaydi va uning transferi 35 million yevroga baholanmoqda.
Eslatib o‘tamiz, Berardi A Seriyada 238 ta o‘yin o‘tkazib, 86 ta gol va
56 ta golli uzatmani amalga oshirgan.
