Бугун Анталиянинг Белек шаҳрида янги чемпионатга тайёргарлик кўраётган Александр Аверьянов бошчилигидаги «Андижон» жамоаси Молдавиянинг «Нистру» клуби билан ўртоқлик учрашувини ўтказди.

Ушбу баҳсда Александр Николаевич қуйидаги футболчиларни бошланғич таркибга киритди:
«Андижон»: А. Петухов, А. Исаев, И. Маматказин, А. Половков, И. Отахонов, С. Тўрақулов, Р. Аъзамов, К. Якубовский, И. Ибрагимов, Л. Нурмуҳамедов, А. Жўрабоев.
Захиридаги футболчилар: Л. Долимов, И. Аҳмедов, Л. Солиев, А. Тўраев, Б. Абдураҳимов, Д. Турсунов.

Биринчи бўлим якунларида «Нистру» футболчиси киритган гол учрашув якунигача сақланиб қолди.

Шуни алоҳида таъкидлаб ўтиш жоизки, бугун Анталияда ҳаво кутилмаганда совуқ бўлиб кетди, қолаверса, эсаётган қаттиқ шамол жамоаларнинг чиройлик футбол намойиш этишига тўсқинлик қилмоқда.

Шу тариқа, «Андижон» Анталиядаги йиғин давомида дастлабки учрашувини ўтказди ва 1:0 ҳисобида мағлуб бўлди.

Одилбек ТОЛИПОВ
Анталиядан