Туркиянинг Анталия шаҳрида уқув-йиғин машғулотларини олиб бораётган Бухоронинг «Бухоро» жамоаси бугун навбатдаги назорат учрашувида майдонга тушди.

Рақиб Украинанинг «Нефтяник-Укрнефть» жамоасига қарши баҳс олиб боришиб 2:1 ҳисобида зафар қучди.

Учрашувнинг 27-дақиқасида Нодир Ражабов жамоасини ҳисобда олдинга олиб чиқди. Нодир Какаладзе томонидан етказиб берилган тўпни жуда чиройли тарзда рақиб дарвозасига жойлаб қўйди.

Учрашувнинг 61-дақиқасида бухороликлар иккинчи голни ҳам киритишганди. Хайровнинг қанот ошириб берган тўпига биринчи бўлиб етиб келган Олег Дражжук дарозани аниқ нишонга олганди. Бироқ ҳакам бу вазиятда бухороликлар дарвозабонга нисбатан қўполлик ишлатилди, деб топди.

Аммо барибир вакилларимизнинг иккинчи голи ўзини узоқ куттирмади. 66-дақиқада тиниб-тинчимас Нодир Ражабов дублга эришди. Бу сафар энди жамоа сардорига тўпни Гурбани етказиб берганди. Учрашувнинг охирги қисмини бутунлай ўзгарган «Бухоро» 82-дақиқага келиб битта гол ўтказиб юборди. Бу гол ўйин охирига қадар ўзгаришсиз қолди.

Эслатиб ўтамиз, бундан олдинги учрашувда жамоа Молдованинг «Академия» жамоасига имкониятни бой бериб қўйганди —2:1.

«Бухоро» - «Нефтяник-Укрнефть» - 2:1
Голлар: Нодир Жўраев (21, 66)

«Бухоро»: Қобулжонов, Нарзуллаев, Квесиешвили, Муҳиддинов, Тарасенко, Хайров, Амонов, Санаев, Ражабов, Какаладзе, Ҳолиқов.
Захирадан майдонга тушганлар: Цой, Рустамов, Усмонов, Умуров, Дражжук, Шодиев, Жураев, Гурбани.