"Барселона" ярим ҳимоячиси Илайш Мориба фаолиятини Германия чемпионатида давом эттириши мумкин.
Футболчига "Лейпциг" клубидан таклифи бор ва Мориба клуб билан шахсий шартнома шартларини келишиб олган. Шу сабабли, 18 ёшли ярим ҳимоячи АПЛга ўтишга рози эмас, хусусан футболчига "Тоттенхэм" клуби жиддий тарзда қизиқиш билдирганди.
Мориба вакиллари трансферни якунлаш учун каталонияликлар раҳбарияти ва немис клуби билан музокара олиб бормоқда. "Барса" 15 миллион евро миқдорида товон пули олмоқчи.
Аввалроқ, "Барса" "Лейпциг"нинг 8 миллион евролик таклифини рад этган эди. Морибнинг агентлари немис жамоасини таклифни оширишга ишонтирмоқда.
Қайд этилишича, "Барселона" шахсий шартнома шартлари бўйича Мориба ва "Лейпциг" ўртасидаги келишувдан хабардор.
Агар шартнома якунланмаса, Испания клуби фуболчини эркин агент сифатида бир йил ичида тарк этишига рухсат бериш хавфи бор.
