"Вулверхэмптон" тез орада "Лейпциг" ҳужумчиси Хван Хи Чан билан шартнома
имзолаганини эълон қилади.
Клублар ўртасидаги музокаралар охирги босқичида, деб хабар беради Германиянинг Bild нашри.
Аммо, қайд этилишича, трансфер кореяликнинг ўзи жамоани тарк этишни истамаса ҳам содир бўлади. У "Лейпциг"нинг асосий таркибидан жой олиш учун курашмоқчи эди, лекин клуб раҳбарияти ўйинчига ишонмаслигини тўғридан-тўғри айтди.
Трансфермаркт портали Чанни 11 миллион еврога баҳоламоқда. 25 ёшли футболчи ўтган мавсум Бундеслиганинг 18 учрашувида майдонга тушган.
