"Бавария" клуби ҳужумчиси Роберт Левандовски шанба кунги "Герта"га қарши кечган учрашувда хет-трик муаллифига айланди. Йирик, 5-0 ҳисобида якунига етган баҳсда қолган иккита голни Томас Мюллер ҳамда Жамал Мусиалалар дарвозага жойлади. Ушбу голлардан сўнг полшалик футболчи бир клубда 300 талик довондан ошиб кетди.
Левандовски, жамоага "Боруссия Д"дан келиб қўшилганидан буён 333 марта майдонда ҳаракат қилган ва 301 та гол уришга эришган. Шунингдек, мюнхенликлар талисманида 65 та ассист муаллифлиги ҳам мавжуд.
