Хабарингиз бор, "Насаф" Туркиядаги ўқув-машғлот йиғини доирасида қатор назорат учрашувларини ўтказди. Рақиблар орасида Украинанинг "Ворскла" клуби ҳам бор эди. Бу ўйинда қаршиликлар ғалаба қозонишди (1:0).

Полтоваликлар мазкур йиғинни якунлаб, навбатдагисига йўл олиш олдидан клуб ярим ҳимоячиси Павел Ребенок www.football.ua сайти мухбири саволларига жавоб берди. Ҳимоячи назорат ўйинларидаги рақиблар орасида "Насаф" жамоаси ёққанини таъкидлади.

— Назорат ўйинларидаги рақиблар ҳақида нима дея оласиз?
— Польшанинг "Яголлония" жамоасига қарши ўйинда ўйимиз чиқади ва ютқаздик — 0:1. Бу ўйинда ҳамма бир таймдан ҳаракат қилиб, ўйин юкламасини олди. Шунингдек, иккита таркиб билан Молдова жамоаси ("Милсами-Урсидос")га қарши ўйнадик ва осон мағлуб этдик — 4:1. Тўғрисини айтсам, рақиб кучсиз экан. Ўзбекистоннинг "Насаф" клуб эса менга ёқди — яхши жамоа. Бу жамоа Украина чемпионатида "йўқолиб" қолмасди, деб ўйлайман. Лекин биз бу ўйинда яхши ўйнадик. Умуман, ўйиннинг ўзи яхши чиқди — жамоалар гол уриш кўп имкониятлар яратишди, дарвозабонлар учун етарлича иш топилди. Лекин ўзбекистонликлар учрашув бошида гол киритишди, биз эса ҳаттоки пенальтини голга айлантира олмадик. Безус дарвоза маркази бўйлаб тепди, дарвозабон уни қайтарди. Ўйин натижаси катта аҳамиятга эга эмасди. Лекин ютқазиш ёқимли иш эмас. Энг асосийси, ўйинимиз чиқа бошлади — вазиятлар яратдик, дарвоза томон зарбалар бердик.