Лондоннинг «Челси» клуби «Атлетико» хавбеки Сауль Ньигеснинг трансфери борасида келиша олмади, деб ёзади Sky Sport Italia журналисти Маттео Моретто твиттерида.

Манбанинг хабарига кўра, инглиз клуби футболчини 2022 йилнинг ёзигача ижарага олмоқчи бўлиб, кейинчалик сотиб олиш ҳуқуқига эга бўлган, бироқ рад жавобини олган. Аввалроқ, «Атлетико» футболчини зудлик билан сотмоқчи эканлиги ҳақида хабар берилганди.

Жорий мавсумда 26 ёшли Сауль «Атлетико» сафида иккита ўйин ўтказди ва битта голли узатмани амалга оширди. Унинг клуб билан шартномаси 2026 йилнинг ёзигача амал қилади.