Ўзбекистон ўсмирлар терма жамоаси “Виктор Банников” халқаро турнирида Туркия вакилларига қарши баҳс олиб борди.

Ўйиннинг 31-дақиқасида Муроджон Комилов ҳисобни очиб, жамоамизни олдинга олиб чиқди. Иккинчи бўлимнинг бошига келиб Муҳаммет Али Ўзбашкижи мувозанатни тиклади, 1:1. Орадан 5 дақиқа ўтиб Искандар Солиев турклар дарвозасини ишғол қилди, 2:1. Шундан кейин Азизбек Усмоновнинг голи эвазига ҳисоб мустаҳкамланганди, бироқ 82-дақиқада Эмирхан Каяр орадаги фарқни қисқартиришга муваффақ бўлди, 3:2. Ўйин шу ҳисоб билан якунланди.

“Виктор Банников” халқаро хотира турнири
«B» гуруҳи | 3-тур
Ўзбекистон - Туркия - 3:2
Голлар: Муроджон Комилов 31ʼ, Муҳаммет Али Ўзбашкижи 48ʼ, Искандар Солиев 53ʼ, Азизбек Усмонов 70ʼ, Эмирҳан Каяр 82ʼ.

Вакилларимиз кейинги учрашувни Белоруссияга қарши ўтказади. Ўйин бугун Тошкент вақти билан 17:00 да бўлиб ўтади.