2 сентябр куни 36 ёшли ҳужумчи Криштиану Роналду "Манчестер Юнайтед"га сафига янги мавсум учун тайёргарлик кўриш мақсадида Португалиядан шахсий самолёти билан Англияга учиб кетди. The Sun нашрининг хабар беришича, футболчи жуда ҳам қиммат ҳашаматли уйга жойлашган.
Португалиялик суперюлдузнинг самолёти пайшанба куни соат 17:30 да Фародан парвоз қилганидан кейин шаҳар аэропортига қўнди. Учиш-қўниш йўлагида уни Юнайтед ва хавфсизлик ходимлари кутиб олишди ва уйига кузатиб қўйишди.
Бу ҳашаматли саройда юқори технологияли сузиш ҳавзаси ва жакузи билан жиҳозланган фитнес мажмуаси мавжуд бўлиб, бу Роналдунинг "Олд Траффорд"га қайтишини кутиб, жисмоний ҳолатини яхшилашга имкон беради.
Қайд этилишича, Роналду "Юнайтед" нинг Каррингтондаги ўқув-машғулот базасига жўнаб кетгунча беш кун карантинда бўлади. Манбада айтилишича, чоршанба куни у янги жамоадошлари билан учрашади.
