2 sentyabr kuni 36 yoshli hujumchi Krishtianu Ronaldu "Manchester Yunayted"ga safiga yangi mavsum uchun tayyorgarlik ko‘rish maqsadida Portugaliyadan shaxsiy samolyoti bilan Angliyaga uchib ketdi. The Sun nashrining xabar berishicha, futbolchi juda ham qimmat hashamatli uyga joylashgan.

Portugaliyalik superyulduzning samolyoti payshanba kuni soat 17:30 da Farodan parvoz qilganidan keyin shahar aeroportiga qo‘ndi. Uchish-qo‘nish yo‘lagida uni Yunayted va xavfsizlik xodimlari kutib olishdi va uyiga kuzatib qo‘yishdi.

Bu hashamatli saroyda yuqori texnologiyali suzish havzasi va jakuzi bilan jihozlangan fitnes majmuasi mavjud bo‘lib, bu Ronalduning "Old Trafford"ga qaytishini kutib, jismoniy holatini yaxshilashga imkon beradi.

Qayd etilishicha, Ronaldu "Yunayted" ning Karringtondagi o‘quv-mashg‘ulot bazasiga jo‘nab ketguncha besh kun karantinda bo‘ladi. Manbada aytilishicha, chorshanba kuni u yangi jamoadoshlari bilan uchrashadi.