"Вулверхемптон" клуби вингери Адама Траорега бир нечта АПЛ гигантлари қизиқиш билдирган эди. Улар орасида "Тоттенхем" энг асосий даъвогар эди.
Хабар қилинишича, "Челси" ҳам Испания терма жамоаси аъзосини ўз таркибига жалб этмоқчи бўлган. "The Sun" нашри маълумотига кўра, "бўрилар" ўз футболчисини таркибда олиб қолишга эришган.
Ҳозирда эса Адаманинг маошини ҳафталик 55 минг фунтдан 120 минг фунтга оширмоқчи. Бу клубнинг футболчи билан келажагини боғлашни исташини англатади. Ҳозирда ҳар икки Лондон гиганти учун ҳам Траоре транферини амалга ошириш деярли имконсиз.
