"Вэст Хем" нима учун Жесси Лингард трансферини амалга ошира олмагани аниқ бўлди. Хабарларга кўра, бунга бир қанча обектив ва субектив сабаблар мавжуд.
Аввало, "болғачилар" "МЮ" сўраган 30 миллион фунтни бера олмаслиги айтилган. Лондонликлар уни ўрнига дарров бошқа бир футболчи, хорватиялик Никола Влашич харидига шўнғиб, уни 25 миллионга сотиб олди.
Оқибатда, клубда етарли молиявий заҳиралар қолмаган. Ушбу қарор, собиқ "Эвертон" ҳужумчиси Лингарддан 5 ёшга кичикроқ ва келажаги билан изоҳланди. Қолаверса, "Олд Траффорд"да атиги 1 йиллик шартномаси қолган футболчи учун 30 миллион сарфлаш жуда мураккаб масала эди.
Шунингдек, Лингарднинг ўзи ҳам "МЮ"да курашни давом эттириш ниятида эканлигини билдирган. Шу ва шу каби сабаблар билан Жесси Лондонга қайтмади.
