Яримҳимоячи Эден Азар "Реал"даги фаолияти ҳақида гапирди.

"Мен "Реал"да ўзимни бахтли ҳис қилмаётганим ҳақидаги гаплар тўғри эмас. Айни пайда клубда жуда бахтлиман. Ҳамма биладики, футболчи ўйнаса ва гол урса, бахтли бўлади. Мен унчалик кўп ўйнамадим ва тез-тез голлар ҳам урмаганман. Бу эса менинг жамоага бўлган муҳаббатимга таъсир қилмайди.

Мен Мадридда бахтлиман, бу ерда яшаш ёқади. Коронавирус ва жароҳатлар туфайли клубдаги фаолиятим унчлик ёрқин эмасдир, лекин майдонга тушган учрашувларда иложи борича ёрдам беришга ҳаракат қиламан.  Сиз хоҳлаган нарсани ўйлашингиз мумкин, лекин мен бу ерда бахтлиман. Биламан, "Реал"га ҳали кўп ёрдам бера оламан. Мен гол урганимда, яна табассум қила бошлаганимда, ҳамма: "Оҳ, у қанчалар бахтли", дейишади. Мен бу кунни кутаман”, - дейди Азар.