Мадриднинг "Реал" клуби Чемпионлар лигаси 1/8 финали дастлабки баҳсига тайёргарчиликни бошлаб юборишди. "Реал" сешанба оқшомида "ЦСКА" га қарши баҳс олдидан бир қатор йўқотишларга дуч келган, дея хабар бермоқда мадридликларнинг расмий сайти. Жумладан, Анхель Ди Мария, Ласана Диарра ҳамда Ҳамит Олтинтўплар ЦСКА га қарши баҳсни ўтказиб юбориши аниқ бўлди. Ушбу футболчилар жамоа билан Москва сафарига бормайдиган бўлишди. Шунингдек, баъзи маълумотларга кўра, ҳимоячилар Альваро Арбелоа Фабио Коентрауларда ҳам кичик жароҳатлар мавжуд. Аммо, клуб ушбу футболчиларни ЦСКАга қарши кечадиган учрашув қайдномасига киритган.
Мадрид клуби Москвага жами 21 футболчи билан йўл олмоқда
Дарвозабон: Касильяс, Адан, Мехиас;
Ҳимоячилар: Арбелоа, Карвалью, Варан, Альбиоль, Пепе, Коэнтрау, Марсело, Рамос;
Ярим ҳимоячилар: Хедира, Хаби Алонсо, Озил, Кальехон, Шахин, Гранеро, Кака;
Ҳужумчилар: Криштиану Роналду, Бензема, Игуаин.