Франция терма жамоаси ва "ПСЖ" клуби ҳужумчиси Килиан Мбаппе келаси ёзда "Реал"га ўтгани учун катта миқдордаги бонус олиши мумкин.
Marca нашри хабарига кўра, Мадрид гранди футболчига Мбаппенинг эркин агент сифатида клубга келиши учун 80 миллион еврога яқин бонусини шартномадан ташқари таклиф қилишга тайёр.
Манбага кўра, аниқ рақамлар ҳозирча номаълум, бироқ футболчининг агентлари ва "қаймоқранглилар" раҳбариятига яқин одамлар бу миқдор айнан шундай бўлишини хабар қилишмоқда.
Эслатиб ўтамиз, ўтган ёзда "Реал" "ПСЖ"га Мбаппе учун учта таклиф билан чиққан, бироқ парижликлар уларнинг ҳеч бирига жавоб беришмаган.