«Барселона» ва Испания терма жамоаси яримҳимоячиси Серхио Бускетс ҳар икки йилда бир марта жаҳон чемпионатини ўтказиш ғоясини танқид қилди.

«Футболчилар ҳар икки йилда бир марта жаҳон чемпионатини ўтказиш ғоясига таъсир қила олиши эҳтимоли кам. Кўряпмизки, тақвим янада тиғиз. Улар футболчиларга аҳамият бермайдилар.

Улар кўпроқ Евро, Жаҳон чемпионатлари, клублар ўртасидаги жаҳон чемпионатлари, лига ўйинлари ва ҳар бир турнирда кўпроқ ўйинлар бўлишини хоҳлашади.

Ўйинчилар портлайдиган пайт келади, чунки ўйинлар талабчан бўлиб бормоқда ва бизда дам олиш учун вақт камаймоқда. Шунинг учун, у билан курашиш қийин.

Буларнинг барчаси маълум оқибатларга олиб келади, шунинг учун биз йиғилиш ўтказиб, ҳар тарафни тинглашимиз керак ”, - деди Бускетс.