Ўзбекистон миллий терма жамоаси халқаро ўртоқлик учрашувлари доирасида Стокголмда Швеция терма жамоасига қарши майдонга тушиб, 1:2 ҳисобида имкониятни бой берди. Мазкур баҳсда тезкор гол урилди. 6 дақиқада терма жамоамиз аъзоси Абдулла Абдуллаев ўз дарвозамизни ишғол қилиб қўйди. 35 дақиқада эса Исаак дарвозамизга иккинчи голни киритди. Баҳснинг биринчи тайми 2:0 ҳисобидаги рақибларимизнинг ғалабаси билан якунланди. Тенг курашлар остида кечган иккинчи бўлимда эса ҳар иккала терма жамоа кетма-кет ҳужум уюштирди. 70 дақиқага келиб эса Элдор Шомуродовнинг голи ҳисобни биттага қисқартиришга ёрдам берди ва мазкур натижа баҳс охиригача ўзгармади.
Швеция - Ўзбекистон 2:1
Голлар: Абдулла Абдуллаев (автогол) 6, 1:0, Исаак Кизе Телин, 35, Элдор Шомуродов 70, 2:1
Швеция: Кристоффер Нордфельдт, Маттиас Йоханссон, Маркус Даниэльсон, Йоаким Нильссон, Мартин Олссон, Кен Сема, Маттиас Сванберг, Йенс Каюсте
Йеспер Карлссон, Исаак Кизе Телин, Робин Куайсон
Ўзбекистон: Элдор Суюнов, Хожиакбар Алижонов, Фаррух Сайфиев, Абдулла Абдуллаев, Достон Турсунов, Одил Ҳамробеков, Отабек Шукуров, Ойбек Бозоров, Жалолиддин Машарипов, Фаррух Икромов, Элдор Шомуродов
