«Ростов» «Бенфика» яримҳимоячиси Габриел Пиреснинг трансфери борасида музокаралар олиб бормоқда, деб хабар беради A Bola.

Газетанинг ёзишича, Россия клуби 27 ёшли футболчини ижарага олмоқчи.

Аввалроқ, «Спартак» ва «Краснодар» бразилиялик яримҳимоячига даъвогарлар қаторида экани айтилган эди.

Ўтган мавсумда Габриел «Бенфика» таркибида 32 та ўйинда майдонга тушиб, 1 та гол урди ва 4 та голли узатмани амалга оширди. Унинг бозор қиймати 7 миллион еврони ташкил қилади.

Эслатиб ўтамиз, ҳамюртимиз Элдор Шомуродов 3 йил давомида «Ростов»да фаолият олиб борган.