"Ливерпуль" бош мураббийи Юрген Клопп келаси йили иккита янги футболчини, "Брайтон" яримҳимоячиси Ив Биссум ва "Ренн" ҳужумчиси Жереми Докуни сотиб олишни истайди.

 Don Balon нашрининг хабар беришича, немис устози ёзги трансферлар мавсумида клубни янги ижрочилар билан кучайтирмаганидан афсусда ва бу мавсумда улар учун барча турнирларда ғалаба учун курашиш жуда қийин бўлади.

Манбанинг таъкидлашича, Клопп 24 ёшли малилик футболчи ёрдамида
Жоржиньо Вейналдумнинг ўрнини тўлдиришни мақсад қилмоқчи. Биссумнинг трансфери учун "Арсенал" ва "Манчестер Юнайтед"нинг рақобатига қарши туриш керак бўлади.

Клубнинг ҳужум чизиғи ҳам кучайтиришга муҳтож, бу ёзда Жердан Шакирини сотиб юборди. Шунингдек, Такуми Минамино ва Дивок Оригини ижарага беришдан бош тортишди, аммо Доку билан шартноман имзолаш мерсисайдликларнинг 2022 йил учун устувор вазифаси ҳисобланади.