“Навбаҳор” клуби фанатлари сайти бўлмиш lochinlar.uz хабар беришича, яқиндагина клуб билан бир йиллик шартнома имзолаган Леонид Кошелев жамоани тарк этган. Кошелевнинг қаерга, нима учун кетгани ҳозирча ошкор қилинмаяпти. Аммо ўша сайтнинг тахминларига кўра, бу ҳолат кўпроқ “Навбаҳор”даги молиявий аҳвол билан боғлиқ экан. 

Бундан хулосага келишга, жамоанинг Фарғонадаги анъанавий “Ҳокимлик кубоги”да қатнашмаслик ва Туркияда ўтиши кўзда тутилган навбатдаги йиғиннинг бекор қилингани сабаб бўлмоқда.

Эслатиб ўтамиз, Леонид Кошелев олдин ҳам “Навбаҳор” жамоасида ўйнаган ва 2001 йилда “Пахтакор” жамоасига таклиф қилинганди. Яқиндагина футболчи клуб фанатлари сайтига интервью бериб, Наманганга қайтишдан мамнун эканини таъкидлаганди.