Туриннинг «Ювентус» клуби ҳужумчи Алваро Моратани «Атлетико»дан сотиб олишга жиддий бел боғлаган.

Испанияликнинг ижараси туринликларга ҳар мавсум учун 10 миллион еврога тушади. Тўлиқ сотиб олиш эса 35 миллион еврога тушиши кутилмоқда.

Агар Мората бу мавсумда ўзини ижобий томонлама кўрсата олмаса, «Ювентус» футболчининг ҳуқуқларини олишдан бош тортади ва уни «Атлетико» га қайтишига рухсат беради.

Маълумот учун, Мората иккинчи мавсумини Туринда ижарада ўтказди. Бу вақт ичида у «бьянконерилар» сафида 33 та ўйин ўтказиб, 11 та гол урган.