"Барселона" президенти Жоан Лапортанинг айтишича, ярим ҳимоячи Алекс Кольядо фаолиятини Россияда давом эттириши мумкин.
Шунингдек, унинг сўзларига кўра, 22 ёшли футболчини Туркиядаги клублардан бири ижарага олиши ҳам мумкин.
"Кольядо ажойиб йигит, у Рикард Пуч каби истеъдодга эга", - дея Лапорт сўзларидан келтирди Marca нашри. - "Биз уни "Брюгге" клубига ижарага бермоқчи эдик. Бироқ,"Брюгге" уни тўлиқ сотиб олишни истади. Шунинг учун Кольядо бу таклифни рад этди. Чунки у "Барселона"да муваффақият
қозонишни истайди. Энди биз унинг машғулот ўташини эмас, балки ўйнашини хоҳлаймиз. Россия ва Туркияда трансфер бозори ҳали ёпилмаган", - дейди "барсса" хўжайини.
Маълум бўлишича, футболчига Москванинг ЦСКА клуби қизиқиш билдирмоқда. Манбаа айтилишича, клуб уни ижарага олмоқчи.
Ўтган мавсумда Кольядо "Барселона"нинг иккинчи жамоаси сафида 22 ўйинда майдонга тушиб, 8та гол урди.
