Ўзбекистон Футбол Федерацияси расмий твиттерининг – twitter.com/uzbff хабарига кўра, 2012 йил февраль ойининг энг яхши футболчиси ва мураббийини аниқлаш учун оммавий ахборот воситаларидан овозлар 1 ва 5 март кунлари оралиғида қабул қилинади.
Таҳририятлар энг яхши мураббий ва футболчини 1-, 2-, 3-ўринга жойлаштирган ҳолда, таҳририятнинг фирма бланкасига тушириб, расмий хатнинг сканерланган кўринишида ёхуд Winword ёки PDF форматда sanjar@the-uff.com манзилига юборган овозларигина ҳисобга олинади.
ЎФФ матбуот хизмати раҳбари Санжар Ризаевнинг айтишича, электрон почта орқали шунчаки юборилган вариантлар инобатга олинмайди.
