"Челси" ҳимоячиси Антонио Рюдигер келаси йили клубини ўзгартириши мумкин.
28 ёшли немис марказий ҳимоячисининг "аристократлар" билан амалдаги шартномаси
2022 йилнинг июлида тугайди ва у январ ойида исталган клуб билан музокара ўтказиши мумкин.
Fichajes нашрининг сўзларига кўра, "Реал" ва "Бавария" Рюдигер учун курашишга ҳаракат қилмоқда.
Иккала топ-клуб ҳам янги ҳимоячи қидирмоқда ва Антониони келаси мавсумда бепул қўлга киритишга ҳаракат қилишади.
Эслатиб ўтамиз, ўтган трансферлар мавсумида "Реал" ҳар иккита етакчи марказий ҳимоячиси Варан ва Рамосни бошқа клубга кетишига имкон яратди. Шунинг учун мадридликлар янги ҳимоячи сотиб олмоқчи.