«Челси» марказий ҳимоячиси Антонио Рюдигер жамоа билан шартнома муддатини узайтириш борасида музокаралар олиб боришдан йироқ.

Бу ҳақда Британия матбуоти хабар бермоқда.

Манбага кўра, агар Рюдигер маоши оширилса, «Стемфорд Бридж»да қолишга тайёр. Антонио ҳозирда ҳафтасига 130 минг фунт маош олади.

Янги шартнома бўйича немис ҳафтасига 200 минг фунт олмоқчи. «Челси» эса бу ценарийдан мамнун эмас.

Рюдигернинг «кўклар» билан шартномаси 2022 йилнинг ёзигача мўлжалланган. Агар томонлар келиша олмаса, тажрибали марказий ҳимоячи эркин агент сифатида «Стемфорд Бридж»ни тарк этади.